يا ما يتذلوا يا اما يتحقق معاهم ربنا يثبتهم

شوفت الخبر ده على مصراوى
النيابة العامة بمصر تحتجز عددا من قيادات الاف العمال المعتصمين
طيب ليه اساسا الناس الغلابة دى تتبهدل كدا وفى ايام مفترجة زى دى
هى الحكومة مش خايفه ده حتى ربنا بيستجاب دعوة الصائم
هو احنا مش فى رمضان برضه
وكل واحد بيطلع زكا عن صحته وامواله واولاده
طيب ما يحققوا طلبات الناس دى ويعتبروها زكا
والله ربنا يثبتهم لحد ما طلباتهم تتحقق
الناس دى قدرت تقول لاء خلاص مبقيناش مستحملين
مبقيناش لاقيين العيش حاف
غيرهم مرمى فى العشوائيات وفى الشوارع ومش قادر يقول لاء لاى حاجه
غيرهم بيملا نص بطنه ميه علشان يبقا اسمه فطر زى باقى الناس والسحور بيقضيه نوم ومش قادر ينطق اصلا
نفس الخبر بيقول الشركة خسرت من يوم الاعتصام لحد النهارده ثلاثة ملايين و500 الف جنيه يوميا طيب ما الشركة فيها فلوس
ولا ده مال الحكومة الغلبانة اللى شقيانه وسهرانة على راحتنا

Comments

مش المشكله انى فى فلوس ولا بس هى الحسبه غير كده خالص كل جنيه حيروح للعمل بيساوى نقص فى حساب الكبار فى بنوك سويسرا
التعليق الوحيد


لا تعليييييييييييق
soka said…
هقول ايه؟! رمضان كريم
وربنا اكرم
ربنا معاهم
Desert cat said…
رئيس جمهوريه نفسى
طيب مش المفروض برضه علشان العمال يزودوا لهم جنيه فى بنوك سويسرا يكون ليهم حافز
Desert cat said…
اسكندراني اوي
مع انى قرأت تعليقك من بين السطور
Desert cat said…
soka
اللهم امين
ربنا معاهم
ما علينا said…
ما هي الحكومة لو لسه
فاكرة ربنا
كنت هاقولك اوك
ممكن يخافوا

لكن خلاص هم نسيوا المولى عز وجل بجبروته ونسيوا
انه المنتقم الجبار


حسبي الله ونعم الوكيل

ربنا يعافينا مما ابتليت به الحكومة

ويثبت الاخوة العمال
ان شاء الله
Desert cat said…
ما علينا
ربنا موجود
هو وحده القوى فوق كل قوى
ربنا يثبتهم
هي دي مصر ياعبلة
اقصد يانانا
Desert cat said…
غمض عينيك
ايوه صحيح يا ضنايا
ربنا يخلى لنا مصر
واللى مظبطينا فى مصر

Popular posts from this blog

قميص دهشور

كل تحرش وانتوا طيبين