التاج .. التاج .. موعوده ياللى عليكى التاج

التاج ده من عند حبيبتنا بنت من وسط البلد
بما انها اهدته لاول خمسة يردوا على التاج بتاعها وانا اتسحبت من كيبوردى وكنت اول واحدة البنوتة بتلبسه التاج
فانا من موقعى هذا بقولك نحن لهااااااا
ونخوش فى الموضوع على طووووول

اسم مدونتك ؟
قطة الصحراء

لماذا اخترته وما هى نيتك من وراء اختياره ؟
نظراً للإشاعات المغرضة اللى مالية البلد وبتقول ان عنيا شبه عيون القطط مش فى اللون حاشا وكلا انما فى الرسمة نفسها .. فا ايام لما كنت فى المدينة الجامعية كانوا صديقاتى بيطلقوا عليا لقب نانا عيون القطط وبما انى كنت مشاغبة حبتين فكانت صديقتى الانتيم مسميانى قطة الصحراء

هل فكرت فى اغلاق مدونتك ؟ ولماذا ؟
بصراحة لسه مش فكرت بس يمكن افكر
وطبعا مش هقدر اجاوب على لماذا لانى مفكرتش اقفلها لسه

صورتك فى المدونه ورمزيتها ؟
قطة طبعا .. وده تعبير عن الوفاء والاخلاص للى قدر يخترق قلبى وعقلى رينوووووووو
محدش يفهم غلط ده القط بتاعى

لما دخلت عالم التدوين اساسا ؟
كنت وما زلت متابعه جيدة لطهقانة وجبهة التهييس وتمر حنة
فحبيت اعمل مدونة علشان اعرف ارد على بوستاتهم
امال يعنى اسيب الناس تتكلم كدا من غير رد ده حتى عيب

جمله قيلت فى وصف مدونتك ؟

انا اول مرة ادخل المدونة دى بس لاقيتها حلوة ان شاء الله مش حتكون اخر زيارة

التعليقات بالنسبه لك ؟ واهميتها ؟
سبب استمراريتى ومعرفتى بمدونين زى الفل

احلى بوست كتبته ضع اللينك ثم اذكر لماذا ؟

الاستعمار الفكرى

افضل مدونه قراتها ؟
اى مدونة بدخل ازورها كل يوم وارد على اى بوست فيها


اسوا مدونه ؟
اى مدونة بدخلها ومش اضيف فيها حرف واحد ومرجعهاش مرة تانية

هيحصل ايه لمدونتك لما تموت ؟
اكيد هتتقفل

اديت الباسورد لحد قبل كده ؟
ايون حصل

كانت ايه طبيعة علاقتك بيه ؟
سداكة بريئة خالية من اى شوائب

اسمك ؟

حنان

المشهور بيه وسط اصحابك ؟
نانا

عمرك ؟
هما البنات بيزيدوا عن العشرين ابدا
حتى لوكان 27 بيفضلوا برضه 20

دراستك مجالك ؟
انا خريجة مساحة بس بشتغل فى حاجه غير كدا تماما بالمرة

شخصيتك نوعها ايه ؟
يقال عندك ثقة فى نفسك

السفر بالنسبه لك ؟
بعرف من خلاله اماكن جديدة وبتعرف على ناس اجدد تغيير مناظر زى ما بيقولوا
وبعدين مش بيقولوا فى السفر 7 فوايد انا بحبه علشان اخد الفوايد

وقت فراغك بتعمل ايه ؟
بنااااااااااااااام

الاكله المفضله ؟
رز بالجمبرى


الصفات التى اخذتها من بابا ؟
لازم اكون قد كلمتى يا اما ماتكلمش اصلا

الصفات التى اخذتها من ماما ؟
هو يقال ان لكل واحد نصيب من اسمه بس بالفعل لو انا كدا يبقا صفة من ماما مش من اسمى

اكتر ست حاجات بتكرهها ؟
الجشع
الفراق
اغتياب الآخرين
الغرور
الحقد
التدخل فى خصوصيات اى شخص

اكتر ست حاجات بتحبها ؟
بحب اوى اضاءة هادية واقعد اسمع فيروز
بحب المطر
بحب ساعة الفجر والنهار بيبتدى يطلع
بحب ضحكة طفل صغير وشقاوته
بحب البحر فى هدوئه بحس انه صاحبى وبقعد اتكلم معاه فى كل حاجه
لحظة لقائى باى حد غالى عندى

الشغل بالنسبه لك ؟
طموحى اللى بشوفه بيتحقق قدامى

الانترنت بالنسبه لك ؟

عالمى الخاص اللى واخدنى من المجتمع ومن كل الناس اللى حواليا طول اليوم

امرره لمين ؟
عبده محتاس
shahy شاهى يعنى
ايوية
رحيق الحب







تعليقات

الله الله هي عدوى التاجات بدات في النتشار تاني

استر يارب

تاج لذيذ باجاباته الظريفه

تحياتي

الربع جنيه المخروم لو سمحتي
‏قال حدوته مصرية
اجابات حلوة
بس ايه خريجة مساحة دى هندسة مساحة يعنى؟

تحياتى ودى اول زيارة و باذن الله متبقاش الاخيرة
‏قال 3abdo me7tas
:S

ها مين لمين
حتى فى رمضان يا نانا
طيب ربنا يستر بقى
‏قال Desert cat
اسكندراني اوي
الظاهر كدا ان لسه ملقوش مصل وقائى لعدوى الانتشار
الجميل بقا ان حضرتك شرفتنى بردك
بالنسة للربع جنيه المخروم هجيبه لك واجى حالا فى البلوج بتاع حضرتك
‏قال Desert cat
محمد ياسر
طبعا البلوج نور وهو فعلا هندسة مساحة
تحياتى ويارب تشرفنى تانى
‏قال Desert cat
3abdo me7tas
اجمد كدا يا عبود ما تقلقش
ده التاج للجدعان
‏قال غمض عينيك
نانا
مبسوط اوي باجابتك عن الشغل
ربنا يوفقك دايما يارب
‏قال Desert cat
غمض عينيك
انت مبسوط باجابتى يا محمد لانك انسان كويس وقلبك مليان بالخير
ربنا يوفقك انت كمان يارب
‏قال دكتور كسلان
كل سنة وانت طيبة

اجاباتك ظريفة وخفيفة

ربنا يوفقك

سلااااااااااااااااااااااام
من بين السطور كده أنا فهمت
أنك من أسكندريه
و فهمت أن أسمك حنان ودلعك نانا
وخريجة مساحه
يعنى أنت مهندسه
أيه رأيك بقا مش أنا شاطره
هاتى بقا حتة كنافه
أو خمسه جنيه
‏قال Desert cat
دكتور كسلان
وانت طيب ياباشا
الجميل تشريف حضرتك البلوج
‏قال Desert cat
الأميره أوسه
طبعا انتى شاطرة جدا يا اميرتنا
بس هكتفى با تنين جنيه ونص
اصل انا مش اسكندرانية ولو انى كنت اتمنى
ها موافقى على الاتنين جنيه ونص
السلام عليكم

كل سنه وانتى طيبه
وكل تاج وانتى بخير

اجابات جميله يا عيون القطط

تحياتى يا قمر
رمضان كريم
‏قال Tamer Nabil Moussa
كل تاج وانتى طيبة

تحياتى
‏قال Desert cat
حياه الأحلام
وعليكم السلام ورحمة الله وبركاته
طبعا الاجمل هو تشريفك البلوج يا اجمل حياة
كل سنة وانتى طيبة
‏قال Desert cat
Tamer Nabil
وانت بالصحة والسلامة
تحياتى
سلام عليكم

يارب عقبال ما تلبسى تاج فرحك يارب

يا عيون القطه دى من أجمل العيون

وكل سنه وانتى طيبه وبخير ورمضان كريم
تحياتى

مهبوله
‏قال Desert cat
مهبول ومهبوله
تسلمى يا حبيبتى على زوقك
كل سنة وانت بالف خير
الله اكرم
‏قال truelove
ازيك يا احلي قطة عاملة ايه كل عام وانتي بصحة وخير وعافية والتاج ده عرفنيكتير عليكي يا بقى مييييييييييييو
‏قال Desert cat
truelove
طبعا نورت البلوج
وانا سعيدة انك اتعرفتى عليا

المشاركات الشائعة