يشتمونا وكمان يقاطعونا ... وعجبى

سمعت امبارح على دريم 2 كذا خبر فى برنامج الطبعه الاولى اللى بيعرض عناوين الصحف اليومية
خير كدا اللهم اجعله خير
ان الكوييييييييييييز منعوا دخول الصحف المصرية عندهم
ما احنا شراشيح بقا
بس الراجل رجع فى كلامه تانى وقال ان الخبر اوشاعه مغرضه
وان الكويز حيسمحوا للصحف بتاعتنا تدخل عندهم عاتشى خالص يعنى
طيب هو اساسا يفكروا فى مقاطعه صحفنا ليه
على اساس اننا بهدلناهم وقولنا لهم تعالوا هنا " انتوا اكتشفتوا فاجأة ان ليكوا كرامة "
ولا حطينا لهم تسعيره وقولنا لهم ثمن المواطن عندكو يساوى ثمت غسالة كورية
ولا قولنا لهم انتوا دمامل وانفجرت او مجارى وطفحت
ده على كدا بقا احنا معندناش كرامة بجد اللى ما اخدناش موقف محايد
والخبر اللى ضحكنى اوى بقا
ان ليبيا منعت دخول العماله المصرية عندها
بعد ما قام مجموعة من اللبيين بحرق الشارع اللى ساكن فيه المصريين
باستثناء سكان مرسى مطروح ... يا بختتكوا يا ساكنى مطروح المية فى بحركوا وليبيا كمان سمحت لكوا تدخلوا عندها
يا حلولى حتى انت يا بروتوس
تفاصيل الخبر

بجملة بقا الاخبار عن المصريين الظاهر اننا عاملين قلق فى كل مكان
احتجاز مركب صيد فى ارتيريا على متنها 23 صياد مصرى
وبرضه مع الدعبسه عن الاخبار وصلت هنا لتفاصيل الخبر
انا مش حشوف البرنامج اللى يحرق الدم ده تانى
مالها يعنى قناة الحكايات
هو فى احسن من المسلسلات المعادة سبعين مرة فى اليوم يا سلام ده حتى التكرار بيعلم الشطار
لنا الله

تعليقات

‏قال shahy
لنا الله
خير اجناد الارض بيتعمل فيهم كدة

الله يرحم ايام بيتي وبيقول بيتة
والبيوت اللي اتفتحت لكم في مصر
والمدارس اللي كنا بنبقى على بعض فيها بسببهم

اية اللي بقولة دة انتي اكيد كنتي لسة صغيرة ومش فاكرة حاجة من الكلام دة
بس دة حصل وانا في اولى ثانوي تقريبا

تحياتي
‏قال Abeer
يا سبحان الله

اذا كان رب البيت بالدف ضارب

لما هنا في بلدة بيتعذب ويتضرب ويتهان
ويوم لما يموت مالوش ديه
عايزاه برة يتعامل ازاي
‏قال Layla
واضح ان الطلب على قناة حكايات زايد قوي اليومين دول لدرجة انهم قرروا يفتحوا قناة
"حكايات كمان"

:DD
بعد كلام عبير مافيش تعليق
كل سنة و الأمة الأسلامية بالف خير
‏قال Unknown
والله بجد الواحد مش عايز يبقى زيهم
بس بجد الله يرحم
التكية المصرية الى كانت فى دول كتير
وولادهم الى علمناهم وبيتوهم الى بنيناها
الله يرحم
‏قال 3abdo me7tas
وعليا النعمة هتتمسكى باللى انتى بتكتبيه ده
هى دى يا بيه اللى بتكتب انا حتى مبقراش اى موضوع ليها يا باشا

خفى شوية بقى انا قلبى بيوجعنى والله
‏قال Desert cat
shahy
خير اجناد الله فى الارض بقى كل من هب ودب يغلط فيهم
وبقا من كان لا شئ بيقولك مش عايزنهم يدخلوا بلدنا
يا حبيبتى الفرق بينى وبينك مش كتير
اختك مواليد 79
‏قال Desert cat
Abeer
اوجزتى وعبرتى يا عبير
فكرتينى بمثل قديم كانت بتقوله جدتى
" اللى يقول لمراته يا عورة الناس بيلعبوا بيها الكورة "
واحنا بنتبهدل فى بلدنا يبقا مستنين من الغريب يحترمنا
ده حتى مهما كان اسمه غريب وان طلعت منه العيبه ميهمناش
‏قال Desert cat
Marvel - واحد زهقان
ما هو خلاص الواحد اعصابه بتتعب من القنوات التانية
فخلينا فى الحكايات
بصراحة قرار حكيم برضه انهم يفتحوا قناة تانية
‏قال Desert cat
عصفور بلا أجنحة
كل سنة وحضرتك بالصحة والسلامة
وجميع الامة الاسملانية بالف خير
‏قال Desert cat
ايوية
ماهو دايما الجعان لما بيشبع بيمد اول ايد بتتمد له
‏قال Desert cat
غمض عينيك
ولسه ايه تانى يا محمد
هو ناقص حد مش بهدلنا ولا شتمنا ولا منعنا ندخل بلده
ربنا يرحمنا
‏قال Desert cat
3abdo me7tas
اتمسك
وحتسيبنى كدا
يعنى انت جاى دلوقتى وتنكر انك انت المحرض الاول اللى بيدفعنى لكتابة المواضيع دى
طيب على العموم انا مسجلة مكالماتك علشان وقت زى ده
‏قال دكتور كسلان
انا اول مرة اعلق لك
مدونتك جميلة جداااااااااااااااااااا


بالنسبة للبوست
ده مش جديد ع الكوايتة
دول معروفين بيهود الخليج


منهم لله
رخصونا وضيعوا كرامتنا
جوه وبره

وخلونا نتذل للى مايسواش


ضيعوا البلد
الله يحرقهم
‏قال Desert cat
دكتور كسلان
الله يخليك يا دكتور الجميل انك شرفت البلوج

بالنسبة للى رخصونا بقا فمنهم لله
‏قال رحيق الحب
بصى انتى لو تابعتى الصحف المعرضة والقنوات اللى بتدى كلام فى التمام واللى بيتقال واللى بيتحكى هتلاقى نفسك جالك اكتئاب وكارهة البلد فا احسنلك ابعدى يا بنتى عن سكة الشر دية احسنلك
هاهههههه
وفعلا مالها قناه حكايات ولا ميلودى ولا البلا الازرق حتى حتى دية معملوة عشان تلهى الناس عن البلاوى اللى عمالين نسمعها وبتتحدف علينا
‏قال Desert cat
رحيق الحب
اه والله يا اختى انتى بتقولى فيها
ده شوفت البرنامج ده يومين ورا بعض جالى استحبس وربنا يستر من الشلل النصفى
خلينا فى الحكايات

المشاركات الشائعة