يشتمونا وكمان يقاطعونا ... وعجبى

سمعت امبارح على دريم 2 كذا خبر فى برنامج الطبعه الاولى اللى بيعرض عناوين الصحف اليومية
خير كدا اللهم اجعله خير
ان الكوييييييييييييز منعوا دخول الصحف المصرية عندهم
ما احنا شراشيح بقا
بس الراجل رجع فى كلامه تانى وقال ان الخبر اوشاعه مغرضه
وان الكويز حيسمحوا للصحف بتاعتنا تدخل عندهم عاتشى خالص يعنى
طيب هو اساسا يفكروا فى مقاطعه صحفنا ليه
على اساس اننا بهدلناهم وقولنا لهم تعالوا هنا " انتوا اكتشفتوا فاجأة ان ليكوا كرامة "
ولا حطينا لهم تسعيره وقولنا لهم ثمن المواطن عندكو يساوى ثمت غسالة كورية
ولا قولنا لهم انتوا دمامل وانفجرت او مجارى وطفحت
ده على كدا بقا احنا معندناش كرامة بجد اللى ما اخدناش موقف محايد
والخبر اللى ضحكنى اوى بقا
ان ليبيا منعت دخول العماله المصرية عندها
بعد ما قام مجموعة من اللبيين بحرق الشارع اللى ساكن فيه المصريين
باستثناء سكان مرسى مطروح ... يا بختتكوا يا ساكنى مطروح المية فى بحركوا وليبيا كمان سمحت لكوا تدخلوا عندها
يا حلولى حتى انت يا بروتوس
تفاصيل الخبر

بجملة بقا الاخبار عن المصريين الظاهر اننا عاملين قلق فى كل مكان
احتجاز مركب صيد فى ارتيريا على متنها 23 صياد مصرى
وبرضه مع الدعبسه عن الاخبار وصلت هنا لتفاصيل الخبر
انا مش حشوف البرنامج اللى يحرق الدم ده تانى
مالها يعنى قناة الحكايات
هو فى احسن من المسلسلات المعادة سبعين مرة فى اليوم يا سلام ده حتى التكرار بيعلم الشطار
لنا الله

Comments

shahy said…
لنا الله
خير اجناد الارض بيتعمل فيهم كدة

الله يرحم ايام بيتي وبيقول بيتة
والبيوت اللي اتفتحت لكم في مصر
والمدارس اللي كنا بنبقى على بعض فيها بسببهم

اية اللي بقولة دة انتي اكيد كنتي لسة صغيرة ومش فاكرة حاجة من الكلام دة
بس دة حصل وانا في اولى ثانوي تقريبا

تحياتي
Abeer said…
يا سبحان الله

اذا كان رب البيت بالدف ضارب

لما هنا في بلدة بيتعذب ويتضرب ويتهان
ويوم لما يموت مالوش ديه
عايزاه برة يتعامل ازاي
واضح ان الطلب على قناة حكايات زايد قوي اليومين دول لدرجة انهم قرروا يفتحوا قناة
"حكايات كمان"

:DD
بعد كلام عبير مافيش تعليق
كل سنة و الأمة الأسلامية بالف خير
ايوية said…
والله بجد الواحد مش عايز يبقى زيهم
بس بجد الله يرحم
التكية المصرية الى كانت فى دول كتير
وولادهم الى علمناهم وبيتوهم الى بنيناها
الله يرحم
ولسة ولسه ولسه
3abdo me7tas said…
وعليا النعمة هتتمسكى باللى انتى بتكتبيه ده
هى دى يا بيه اللى بتكتب انا حتى مبقراش اى موضوع ليها يا باشا

خفى شوية بقى انا قلبى بيوجعنى والله
Desert cat said…
shahy
خير اجناد الله فى الارض بقى كل من هب ودب يغلط فيهم
وبقا من كان لا شئ بيقولك مش عايزنهم يدخلوا بلدنا
يا حبيبتى الفرق بينى وبينك مش كتير
اختك مواليد 79
Desert cat said…
Abeer
اوجزتى وعبرتى يا عبير
فكرتينى بمثل قديم كانت بتقوله جدتى
" اللى يقول لمراته يا عورة الناس بيلعبوا بيها الكورة "
واحنا بنتبهدل فى بلدنا يبقا مستنين من الغريب يحترمنا
ده حتى مهما كان اسمه غريب وان طلعت منه العيبه ميهمناش
Desert cat said…
Marvel - واحد زهقان
ما هو خلاص الواحد اعصابه بتتعب من القنوات التانية
فخلينا فى الحكايات
بصراحة قرار حكيم برضه انهم يفتحوا قناة تانية
Desert cat said…
عصفور بلا أجنحة
كل سنة وحضرتك بالصحة والسلامة
وجميع الامة الاسملانية بالف خير
Desert cat said…
ايوية
ماهو دايما الجعان لما بيشبع بيمد اول ايد بتتمد له
Desert cat said…
غمض عينيك
ولسه ايه تانى يا محمد
هو ناقص حد مش بهدلنا ولا شتمنا ولا منعنا ندخل بلده
ربنا يرحمنا
Desert cat said…
3abdo me7tas
اتمسك
وحتسيبنى كدا
يعنى انت جاى دلوقتى وتنكر انك انت المحرض الاول اللى بيدفعنى لكتابة المواضيع دى
طيب على العموم انا مسجلة مكالماتك علشان وقت زى ده
انا اول مرة اعلق لك
مدونتك جميلة جداااااااااااااااااااا


بالنسبة للبوست
ده مش جديد ع الكوايتة
دول معروفين بيهود الخليج


منهم لله
رخصونا وضيعوا كرامتنا
جوه وبره

وخلونا نتذل للى مايسواش


ضيعوا البلد
الله يحرقهم
Desert cat said…
دكتور كسلان
الله يخليك يا دكتور الجميل انك شرفت البلوج

بالنسبة للى رخصونا بقا فمنهم لله
بصى انتى لو تابعتى الصحف المعرضة والقنوات اللى بتدى كلام فى التمام واللى بيتقال واللى بيتحكى هتلاقى نفسك جالك اكتئاب وكارهة البلد فا احسنلك ابعدى يا بنتى عن سكة الشر دية احسنلك
هاهههههه
وفعلا مالها قناه حكايات ولا ميلودى ولا البلا الازرق حتى حتى دية معملوة عشان تلهى الناس عن البلاوى اللى عمالين نسمعها وبتتحدف علينا
Desert cat said…
رحيق الحب
اه والله يا اختى انتى بتقولى فيها
ده شوفت البرنامج ده يومين ورا بعض جالى استحبس وربنا يستر من الشلل النصفى
خلينا فى الحكايات

Popular posts from this blog

قميص دهشور

كل تحرش وانتوا طيبين