دمامل بتنفجر ... وشراشيح .. وطفح مجارى ... ده يبقا احنا ( عليه العوض )




شوية لا تعايرنى ولا اعايرك وكأن حضرة الصحفى المحنكر فؤاد الهاشم

ماسك علينا ذله ونظام بصوا يا مصريين هتتكلموا حتكلم حتتكتموا وكل واحد يحط صباعه فى بؤه .. قصدى لسانه فى بؤه حتكرم واتفضل عليكوا واسكت انا كمان
و طل علينا بطلته الغبية وقعد يقول ويزيد " وكأن المصريين اكتشفوا فجأة إن ليهم كرامة " مش حرد بطريقتك وباسلوبك اصلى للاسف متربية شوية

رأيك ميهمناش والحقد والضغينة اللى جواك شئ يبسطنا بصراحة

موت بغيظك وعلى قلبك حجر

وانتهينا من المقال الاول
طبعا الموضوع ده تكلم فيه محمد سمير (غمض عينيك ) فى مدونته باستفاضه
وفجأة طلع لنا بمقال تانى
وطول المقال يعيد ويزيد فى موضوع اسرى 67 وكانه شاف 2 بيرتكبوا الفحشاء فى الطريق العام
المقال الاخير ده ما هو الا للفتنة والوقيعه بين الشعوب
مش معنى كدا انى بحب اسرائيل وسعيدة باللى عملوه فى جنودنا
انما تكرار السطور افاح ما يكمن بينها
للاسف انت فى المقال الاول تكلمت عن حقيقه احنا عايشنها بالفعل انما عبرت بمنتهى السفاله والوقاحه
وان دل كلامك فانما يدل على انك متربى على يد شرشوحة على حد قولك
مش حقولك حررناكم ومش حقول دعمناكم دعم مادى ومعنوى
لان هى دى طبيعة المصريين ومن الطبيعى اذا انت اكرمت اللئيم تمرد
ومش هغلط فى شعب الكويت كله .... لأنك حالة فردية والحالة الفردية لا تعبر عن رأى الجميع لانه مش معنى ان كاتب فى قلب حقد وضغينة بدون وجه حق يبقا بيعبر عن شعب باكلمه
فى النهاية اللوم مش على الكاتب السافل اللى بيتشدق بكرامة المصريين
العيب على الام اللى غربت ولادها واللى رمتهم فى بلاد بعيده عنها وعن اشقائهم جرى ورا لقمة العيش
العيب على الام اللى عرت ولادها واهانتهم واضاعت كرامتهم وذلتهم وهما فى اشد الحاجه لحضنها
العيب على المعتقلات اللى فاتحها بوقها ليل نهار وكانها جهنم وبتقول هل من مزيد
العيب على اللى عذب وهتك عرض انسان كرمه رب العزة وهو فضحه علشان يذله
العيب على سوء الخدمة من حرق قطارات لانقلاب قطرين وكانهم عربيتين تصادموا فى طريق سريع
العيب على اللى حرق قلب امهات ويتم اطفال ورمل ستات فى مقتبل العمر بانه غرق ذويهم فى عبارة منتهية الصلاحية
العيب فينا احنا وبادينا سمحنا لكل حاقد يتشدق ويخوض فى حقنا وفى كرامتنا ويحدد لنا تسعيرة
وسمعنى سلام مصر هى امى اللى ذلت ولادها وبهدلت كرامتهم

تعليقات

‏قال Layla
العيب علينا احنا فعلا...احنا لو دولة محترمة ليها قيمتها في الزمن ده ماكانش اي حد اتجرأ علينا بالصورة دي

نتضرب ونتهان بدون وجه حق ولما نرفض الاهانة نتشتم!؟

الدنيا ماشية غلط اليوميين دول
‏قال Unknown
كم علمتة نظم القوافى
فاول ما نظم قافية هجانى
مقدرشى اقول غير كدة
‏قال shahy
اة يا قلبي
وجعتي قلبي بكلامك
حسبنا الله ونعم الوكيل

للاسف المصرين مش ليهم ثمن خارج مصر ودلوقت ولا داخلها كمان

ان شاء الله فرجة قريب

تحياتي
‏قال only spot
انت جايه على امنا اوى والعيب فى الافراد مش فى البلد
عزيزتى احنا الى رخصنا نفسنا بجبننا وسلبيتنا وسكوتنا
احنا الى خلينا الحزب الحاكم يرمرمط كرمتنا على مزاجه
واهو نتمنا ان ربنا يهدينا ولا يستبدلنا
مقدرش اقول غير
نعيب زماننا والعيب فينا وما لزماننا عيب سوانا
تحياتى وكل سنه وانت طيبه
‏قال غمض عينيك
تحياتي ليكي يانانا
طبعا مش هقدر اقول اكتر من اللي انتي قلتيه
اخنا اللي عملنا كده في نفسنا ونستاهل اللي يجرالنا
لوكان لينا بلد تحافظ علينا مكانش قدر واحد زي ده يتكلم

تحياتي ليكي
محمد سمير
‏قال Desert cat
Marvel - واحد زهقان.
ما هو بجملة الاهانات بقا
كدا كدا متهانين فى بلدنا
فلما يهينونا هما كمان اصبح امر عادى
ونعترض ليه اصلا ده المواطن فينا متحدد تسعيرته
حسبى الله ونعم الوكيل
‏قال Desert cat
ايوية
هو بالفعل كدا يا ايوية
زى ما قولتى كفيتى ووفيتى
‏قال Desert cat
shahy
سلامة قلبك يا شاهى
للاسف المصرى المواطن الوحيد اللى مهان جوا بلده وبراها
ما هو مفيش احترام جوا من الاساس
يبقا اللى بره هيحترموا ازاى
‏قال Desert cat
only spot
هو يمكن انا جيت على امنا لانى اتعودت ان الام هى الحضن الدافى وهى اللى بتلم ولادها حواليها مش بتبعدهم عنها بقسوتها وتغربهم لمستقبل مجهول الله اعلم بيه
وبالطبع جبننا والجرى ورا لقمة العيش ويا عم انا مالى انا عايز اربى العيلين وامشى جنب الحيط
وفضلنا نمشى جنب الحيط لحد ما بيقنا بنمشى جوا الحيط زى الحشرات
وبقا مش من حقنا نعترض على اهانتنا لا بره ولا جوه

لنا الله
‏قال Desert cat
غمض عينيك
بالفعل يا محمد احنا اللى عملنا كدا فى نفسنا
قبولنا اهانتنا جوا جرئ واحد زى ده علشان يهينا بره
احترامى وتقديرى
‏قال 3abdo me7tas
مش قادر اقرى الموضوع لانى قرفت من العنوان آسف
يععععععععععععععععع
‏قال Desert cat
3abdo me7tas
وانا مالى
ما هو ابن المقرفة ده اللى قال الالفاظ دى
يععععععععععععع

المشاركات الشائعة