ناس وناس

كام مرة شوفنا حادث مؤلم لشخص وقولنا يااااااااااااااااااااااه الدنيا دى ملهاش امان ده الواحد ممكن ينتهى فى ثانية
انا مش هزعل منى حد تانى ولا حأذى حد ولا حشتم حد
وبعد يومين بالكتير اسبوع الموقف يتنسى وترجع تانى للشتيمة والأذية فى خلق الله ....
فى شارعنا
انسان كويس محترم الجميع بيحبه محدش لجا له فى شئ اللا لما كان ليه خير معين والجميل جدا انه شاب فى اوائل الثلاثين ...
اثناء عودته من اسكندرية ومعاه عائلته انقلبت بيهم العربية وانتقل الى رحمة الله هو وزوجته وبنته الرضيعه ولم ينجو من الحادث الا ابنه طفل عمره 3 سنوات ....
الجميع اهتز لهذا الحادث البشع بكى عليه الصغير قبل الكبير بالرغم من ان جنازته هو وزوجته وبنته كانت فى وقت بدرى من الصباح الا ان كان يشيعهم عدد لا حصر له من الناس ...
ناس وناس
فى نفس الشارع 3 من الذكور لأنه بصراحة لا ينطبق عليهم لفظة رجال ...
كل واحد فيهم مستأجر محل اللى فاتح احذية حريمى واللى فاتح ملابس حريمى .. وكله حريمى فى حريمى ...
بينزلوا من بيوتهم كل يوم الصبح يفتحوا المحلات ويجيبوا الكراسى ويقعدوا فى الشارع .. مفيش واحده معدية تسلم من لسانهم .. وقذارة الفاظهم ... ولو واحده ردت عليهم يتفوا فى وشها
اه والله شوفتها قدامى كذا مرة وتفوا مرة فى وش واحدة ست كبيرة علشان قالت لهم عيب الشارع ليه حرمة هتقعدوا فيه اعملوا زى ما الرسول قال واعطوا الطريق حقه ... وطبعا الست اتصلت بولادها وايجو فرجوهم على نفسهم بصراحة ... ومش حرموا بالعكس
حصل الحادث بتاع الشخص اللى اتوفى وهو وزوجته ... بصراحة تقريبا يعنى حسوا ان ربنا كبير وموجود وبطلوا يقعدوا فى الشارع يومين .. بالظبط
فى اليوم الثالث رجعوا تانى لممارسة هوايتهم المفضلة ... د
وتناسوا اذا اردت واعظا فان الموت يكفيك
والله انا بكتب من ضيقى من اللى بشوفه
ولا حول ولا قوة الا بالله
وربنا يريحنا من الذكور اللى بقت مالية المجتمع ويخلى الرجاله اللى فعلا بتعرف ازاى تتقى الله

Comments

انما الاعمال بالنيات وأكيد اهم حاجه حسن الخاتمه وكمان ربنا بيرزق الناس الصالحه بخاتمه كويسه يدخلوا بيها الجنه

يارب ارزقنا حسن الخاتمه

مهبول
ايوية said…
اذا لم تستحى فافعل ما شئت
ربنا يهديهم...ويهدي الجميع
هي الدنيا كده
تلاهي
يوم والتاني وكله بينسى وترجع ريما لعادتها القديمة
ومش هما بس والله دا كل الناس كده الا كم رحم ربي

ربنا يهديهم ويهدينا
محمد سمير
Desert cat said…
مهبول ومهبوله
اللهم ارزقنا واياك
Desert cat said…
ايوية
صدقتى والله يا ايوية
كلامك ينطبق على الناس دى بالظبط
Desert cat said…
Marvel - واحد زهقان
اللهم آمين
Desert cat said…
غمض عينيك
ربنا يهدى الجميع يا محمد
ويرزقنا بالناس الكويسة الطيبة اللى بتعرف تتقى الله
3abdo me7tas said…
الاول نقول الله يرحم الراجل الكويس اللى توفى هو وزوجته ربنا يرحمهم ويرحمنا جميعا
انااما بالنسبة للذكور اللى حضرتك بتقولى عليهم انا مش شايف ان اسمهم مينفعش يبقى ذكور لان ملهومش اسم
مش عارف اقول ايه
بس اللى فى ايدينا اننا ندعى ان ربنا يهديهم يا رب
Desert cat said…
3abdo me7tas
ما هو اصلا انا مش لاقيت مسمى فقولت ذكور وخلاص
ربنا يهدى يا باشا
انتى عارف انتى بتفكيرينى بموقف حصلى انا وصحبتى كنا راكبيت ورايحين للشركة اللى هنراجع فيها وراكبين المينى باص فى امان الله وبلا اى مقدمات عملنا حادثة المينى باص صدم بنت بتعدى كانت خارجة من الامتحان وكان ناقص ليها يوم بكرة وخلاص وتخلص بس بجد كان موقف اول مرة يحصلى وصعب اوى بجد مقدرتش امسك نفسى وكان جاجة صعبة وساعتها فكرت وقلت يااااااه شوف يا اخى البنى آدم فى لحظة ممكن يحصله ايه سبحان الله
بس زى ما بتقولى ساعة ما الموقف بيحصل بنتاثر اوى والناس بتندمج فى الحوار وكل حاجة يعدى يوم ولا يومين الناس تنسى ولا كأن شئ يكن لحد ما حاجة تانية ربنا يبعتهالهم يفكروهم تانى وتذكرة ليهم وللاسف الناس اللى زى دية لازم تحصلها صدمه شخصية فى حياتهم عشان يحسوا ويتغيروا اه هيكونوا مضايقين بس ساعتها محدش عارف ربنا بيعمل ده للخير
بس عموما هيا الدنيا والناس كدة تحصل حاجات تفكرنا وتنسينا وترجع تفكرنا تانى عمرنا ما هنقعد بقى نبقى حاطين الحاجة فى بالنا وبنفتكرها دايما الا اذا تأملنا والتأمل من الايمان
شكرا يا قطة على التذكرة
معلش طولت عليكى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز