حملة افضحو تجار الكيف


تعليقات

‏قال 3abdo me7tas
طيب والنبى قرش حشيش ولا سمسون بانجو
أخوكى تعبان
يا ريت نواجه لامشكلة دى بكل حاجه نقدر عليها
انا مش عايز اقولك انى وحيد من غير اصحبا كتير انتى عارفه ليه لان الطريق ده خد أصحابى منى مع انى نصحتهم واتكلمت كتير معاهم بس مش عارف مقدرتش اشد د معايا وانقذه مش عارف العيب فيا انا ولا فى مين بالظبط
انا ليا واحد صاحبى دماغه لسحت من البانجو والتانى البانجو فى جيبه زى علبة السجاير انا مش بقول انى مشربتش قبل كده لا انا شربت بس مش كتير ممكن بس ربنا هادنى يا ريت نبقى مع بعض
السلام عليكم
حملة جميلة مع انها متأخرة شوية مننا
بس بداية جيدة
تحياتى
‏قال 3abdo me7tas
أنا مكملتش التعليق اللى فات لان خالتى قفشت عليا وكانت هتشوف انى شربت بانجو وحشيش قبل كده
المهم
أعز اصحاب البانجو لسع دماغهم والله انا زمان من حوالى 3 سنين او اربعه كنت شربت كام مرة كده بانجو وحشيش والحاجات دى بس ممكن نقول عشان أضحك الحاجات دى كانت بتخلينى اضحك علطول بس انا من زمان مش بشرب بجد ولغاية دلوقتى بيتعرض عليا انى اشرب ومناظر من دى بس والله ولا حياه لمن تنادى لغاية كده وأقف
ربنا يبعدنا عن الحاجات دى ويبعد شبابنا عنه هو كمان
وايه ده هو انا ويوسف المصرى اللى بيخش المدونة المهجورة دى ولا ايه
ولا عايزانى أجيبلك فايزة
:P:P
‏قال Desert cat
3abdo me7tas
ياريت نقدر نقضى على السموم دى واللى بيوزعوها
شبابنا محتاج لتربية سليمة وتوعية دينية
مش حقدر اقول الحكومة
لان كلنا عارفين الحكومة اصبح لا يهمها غير الاخوان
ربنا يهدى الجميع
‏قال Desert cat
YHYيــوســف الـمصـرى
نورت المدونة يا فندم
‏قال 3abdo me7tas
لالالا
دلوقتى انا زعلان جدا جدا
دلوقتى نا رديت 3 ردود وانتى رديتى عليا رد واحد بس انا مليش دعوه عايز اتنين كمان هه
بهزر طبعا
بس حبيت اكمل ان الحكومة طالما انتى مش غبتتكلمى فى السياسة ولا فى الدين اعمل اللى انت عايز تعملة وحياتك عندى انا بشوف ناس بتشرب البانجو والحشيش ده عادى خالص فى الشوارع وقدام القسم ولا فى الدماغ خالص
وكمان يتداس عليكي زى الحرامى اللى داس عليكي وسرقك عادى
لاكن سياسة لا
دين لا
تسرق آه
تشرب آه
تحرق آه
تموت آه
وكتير اوى كمان
ربنا يرحمنا يا رب
‏قال 3abdo me7tas
ايه ده هو مفيش الا انا اللى بدخل البلوج ده ولا ايه
وبعدين حضرتك فين يا ست قطه عايزين جديد بقى من القصص الواقعية بتاعتك دى
يلا عايزين شغل بطلو كسل بقى
‏قال Desert cat
3abdo me7tas
هو انا يا عبووود كنت بحكى على موضوع الحرامى اللى داس عليا ده علشان اتذل بيه
الله يحرقه مطرح ما هو قاعد
الهى ياخد اعدام البعيد
طالما الحكومة مش هتعمل لى حاجه انا هفضل ادعى عليه لحد ما اشوفه بيولع فى قطر ولا بيغرق فى عبارة اهى البلد مش حرمانا من حاجه برضه
والله ياباشا انت منور البلوج
ربنا ما يحرمنى من تواجدك
‏قال Desert cat
اه صحيح نسيت اسالك
اخبار فايزة ايه
ابقا سلم لى عليها ياباشا
هاااااااااااا
هتنكر
ايوا انت اللى كنت ماشى مع فايزه امبارح
( وش بيطلع لسانه )
‏قال 3abdo me7tas
بقى كده يعنى انتى بتخرجى عن الموضوع
اولا انا مش بذلك ولا حاجه بالحرامى اللى داس عليكي انا بفكرك بس
ثانيا انا محدش يذلنى ومين فايزة دى انا معرفهاش ولو عندك دليل تعالى وقولى
وعلى فكرة الوش اللى بيطلع لسانه الاختصار بتاعه كده
:P
‏قال Desert cat
ياباشا انت مش غلطت والله
هو بالفعل الحرامى داس عليا ومش انا لوحدى
ده كان جنبى يجى 7 اشخاص ومنهم واحد رجله اتكسرت والله
وفضلت حاسه بذنبه
يمكن لانه راجل بسيط عامل فى جراج
يلا منه لله

وبعدين لسه بتقول مش عارف فايزه
بس تصدق هى عارفاك
هى قالت لى كدا
وشكرا على الوش اللى بيطلع لسانه
اتفضله بقا طالما الرمز كدا :p
‏قال Desert cat
مش قولت لى ياباشا الاغنية اللى فى البلوج بتاعك اسمها ايه ومين اللى بيغنيها
‏قال bastokka طهقانة
انا معرفش و لا اي حد من التجار دول بس نفسي اعرف حد منهم علشان



افضحه


اوروفوار
‏قال 3abdo me7tas
بما انك مصره بقى على الحرامى اللى دااااس عليكي وهو بيسرقك
المهملو انتى عارفة فايزة قوليلها ارجعى لبيتك يا بنتى
الأغنية بقى يا ستى اللى بيغنيها لؤى وانا بحب اسمع الواد ده بصراحى لان اغانيه جامده وكمان فيه شبه منى :D
والأغنية إسمها تسألنى ليه
بس انا بحب أسميها
تنسانى ليه

انا حاسس انى مش مركز خالص
تعبت
المهم
لو عايزة حاجه تانية انا موجود فى اى وقت
اسمى محمد ها اوكى
salam
جزاك الله كل خير وربنا يكرمك يا رب
‏قال Desert cat
طهقانة
وانا والله نفس الشئ
نفسى اعرف حد منهم
علشان اجرسه مش افضحه وبس
حبيبتى منوره البلوج
‏قال Desert cat
3abdo me7tas
من عونيا الاتنين
لو شوفت فايزه حقولها ترجع البيت
يمكن تكون عند حد من تجار الكيف اللى احنا بنفضحهم دول
ويشوف الكلام ده ويرجع فايزه ويقتلنى انا

وميرسى جدا على الاغنية يا باشا
انا نزلتها وبسمعها دلوقتى
‏قال 3abdo me7tas
يا خبر
انتى مخدتيش بالك من إسمى بقى
والله ايمى محمد محمد محمد محمد
اما الباشا دى فاتلغت من زمات يا ستى
والله اسمى محمد اعيط يعنى طيب
:'(
‏قال غمض عينيك
الله الله
ايه ياعم عبده يامحتاس
انت مدمن ولا ايه؟
شكلك بتحاول تبعد العيون عنك
هي اكيد فايزة السبب ونانا عرفت عشان كده انت قاعد تتكلم كتير عشان ماتخدش بالها منك
:):)

لا لا يلا يا نانا افضحيه وانا شاهد معاكي..انا شفته وهو بياخد قرش الحشيش بس ماتخفيش مش هاقول انه خده منك

اهه احلى من الشرف مافيش والشهادة دي امانة

محمد سمير
‏قال غمض عينيك
بالمناسبة
نانا انا عامل حفلة وتورتة وبيبيسي وحاجات كده في المدونة وهاستناكي
لازم تيجي
:):)
محمد سمير
‏قال غمض عينيك
وجايب كمان حشيش وبانجو
‏قال 3abdo me7tas
حبيبي يا ابو سمرة دا انا قلت هجيب معايا الحشيش واله تمام يا عم يبقى عليك الحشيش والبانجو
وهقولك بقى على مفاجأة نار النار
هجيب فايزة معايا الحفلة اوعى تقول ان مفيش مكان ليها كمان
لما نشوف
‏قال 3abdo me7tas
فين صاحبة المدونة دى
مطلوب القمض منها
قصدى عليها
انتى فين يا بنتى
والله شكلك البنت اللى كانت بتهددك نفذت التهديد ولا ايه
ولا يمكن الحرامى رجع تانى وداس عليكي تانى ولا ايه
طمنينا بس وقولى هتيجي معانا الحفلة ولا ايه
ولا ايه
ولا ايه
صدى صوت صدى صوت
salam
‏قال Desert cat
3abdo me7tas
عرفت والله اسمك محمد
ماشى يا محمد
هات فايزة معاك حفلة محمد سمير يا محمد
علشان نجيب العيال يزفوك تانى فى الشارع يا محمد
انا جايه حالا عند محمد سمير
الاقيك هناك انت وفايزه
ماشى يا باشا
قصدى يا محمد
‏قال Desert cat
غمض عينيك
هو فعلا زى ما انت بتقول كدا يا محمد
عبده محتاس مدمن
ده حاول يدينى رشوة علشان مش افتن عليه
وانا قولت لالالالالالالالالا
انا مخدش رشوة اقل من توربة حشيش واتنين كيلو بانجو

انا يشرفنى يا محمد احضر الحفلة
مش ها اكل تورته وجاتوه
وهحلى كمان بحشيش وبانجو
جاااااااااااايه حالا
انتظرونى
‏قال 3abdo me7tas
لا اله الا الله
شوف الناس يا اخى
بقى انا عرضت عليكي طربه حشيش
ليه احنا كنا لقيينه ولا ايه
والله يا ابو سمرة انا معرضتش عليها الا نص جنيه ربعين والله
وهى وافقت بس ساعتها مكنش معايا فكه 75 قرش
المهم
نتقابل فى الزفة يا اخت ... هو انتى اسمك ايه صحيح
المهم نتقابل ونشوف العيال اللى انت بتقولى عليهم دول
انا ولا انتى بقى
:P
‏قال غمض عينيك
يلا ياجماعة انا جبتلكوا حشيش وبانجو في الحفلة
والمزاج هيبقى عالي عالي

خدي بالك يانانا عبده محتاس سيحليك هندي في المدون وقالل عليكي كلام مش ولا بد
انا قلت اهدي النفوس بس

سلام موقت
على فكرة انا عملت تحديث صغير لتوضيح الحقيقة
‏قال Desert cat
3abdo me7tas
انت بتنكر انك عرضت عليا طوربة حشيش
طيب انا مسجلة المكالمة وهنسخها على سيديهات واوزعها السى دى بـ 3 جنيه علشان يبقا اللى ما يشترى يتفرج وفضيحتك تبقا بجلاجل
اشترى سكوتى يا بنى ده انا شرانية
نياهاهاهاهاهاها
‏قال Desert cat
غمض عينيك
انا هروح اشوف اللى حصل
طبعا عبده محتاس بدأ يسيح لى
اممممممممممم
طيب رجاااااااااااله
فسحووووووووووه
‏قال 3abdo me7tas
يفسحو مين يا ماما
مش عوبد المحتاس اللى يتفسح
لا والنبى يا بيه انا والله معملتش حاجه
وبعدين يا قطة انتى هتبيعى السى دى ب3 جنيه بس
طيب على العموم النص بالنص بقى ها
مش مهم اتفضح المهم الفلوس
نيهاهاهاها
‏قال Desert cat
3abdo me7tas
نص بالنص مين بعد الفضايح اللى عملتها لى هنا وفى مدونة محمد سمير
ده انا اتفضحت اكتر من تجار الكيف اللى عايزين نفضحهم
كان من الاول ياباشا
قبل الفضايح طى هديلك الفلوس
دلوقتى نوووووووووو
‏قال Unknown
يارب ينجى كل شبابنا
‏قال Desert cat
ايوية
اللهم امين

المشاركات الشائعة