مشربتش من نيلها ؟؟؟؟؟؟

حتى الميه مبقيناش لاقينها ... ده على اساس ان معندناش نهر نيل ولا سد عالى ... والله انا مش كدابة .... بنتفرج على التلفزيون يبقا اكيد عندنا فضائيات شوفتوا الناس اللى طلعت بالجراكن مش لاقيه بوق المية ... بالذمة مش دى فضيحة .... اصلنا بعد ما كنا بنشرب من مية النيل شربنا من ميه ميت فيها حمير ومقلوب فيها باكبورتات الجمهورية كلها ... حتى مية الحمير الميتة والبكبورتات اتقطعت يعنى الناس تعمل ايه .... مش لاقيه مية باكبورتات تشرب مية معدنية يعنى ... ده حتى يبقا عيب والشعب معدته تنضف ... اصلا المصريين دول ناس عندهم اصل اكل مسرطن عادى - دم ملوث ميضرش - مية باكبورت وحمير ميته يا سلام ... بس متقطعوهاش ياباشا .... الجدير بالذكر ان السيد الاستاذ محافظ كفر الشيخ وصف الناس اللى طلعت فى التلفزيون دول بانهم قلة عملية مأجورة لجهات اجنبية ... يا حلولى ... امال الجراكن اللى شايلنها فى ايديهم دى ايه والمشاوير اللى بيمشوها بالكيلو مترات دى علشان ايه .... ولا دى رياضة مشى جديدة واهوه كلها من اجل صحة المواطن ..... رجعوا تانى البهوات اللى قاعدين فى العلالى يقولوا اصل المية مش بتقطع غير فى العشوائيات وبس ... امال بتوع مدينة نصر والهرم اللى كانوا بيصرخوا من كام يوم من انقطاع المية دول ايه ؟؟؟؟؟ ااااااااااه سورى اصل مدينة نصر والهرم تقريبا بقوا عشوائيات .... انا بصراحة مش راضية اقول ان المية مش بتطلع بيتنا غير وقت الفجر بس ولو مش صحيت انا او الست الوالدة نملا المخزون اليومى يبقا بنقضيها ميه مواتير واهوه كله نفخ فى البطن ... ما هو اصل بيتنا برضه فى العشوائيات ..... ولسه ليكى نفس يا شيرين تقولى مشربتش من نيلها ... لاء يا جميل شربت من باكبورتاتها وياريته عاجب

تعليقات

‏قال S H A H
ايوة كدة انا احب احجز صف اول او لوج دايما








---------------------------------










نعلق بقى















ايه المساحات اللي واكلها دي كلها افترى صحيح





عايز اقولك يا قطقوطة ان الفلتر بيتغسل كل 3 ايام!!؟
ليه عشان اليوم الرابع بيبقى اسود و مسدود

طب و اللي معندوش فلتر بقى كليته اللي تتسد و لا ايه؟؟

وعجبني قوي بكوبروتاتها دي ههههه

وسلام مؤقت

‏قال غمض عينيك
ايوة كده عشان معدتك تنشف....مياه نقية ايه ونيل ايه دا اللي انت عايزة تشربي منه
احمدي ربنا
معرفتيش مش دساني واكوافينا طلعوا بيملوا الازايز من الحنفية


تحياتي
محمد سمير
‏قال Desert cat
وهوا يهمهم كلية الناس فى ايه
ده خلونا نشرب من الباكبورت علشان يخلصوا من الناس بس ده مين المصرى حيفضل مصرى
ومنور اول لوج يا باشا
يارب دايما مشرفنى
‏قال Desert cat
غمض عينيك
اللى سمعته ان اكوا من بقايا البيبسى
يعنى كدا كدا معدتنا بتتهرى
نورت البلوج ياباشا
‏قال 3abdo me7tas
فعلا
كلامك صح المفروض الست شرين هى اللى تجيب للناس ميه مش هى اللى غنت مشربتش من نيلها
هى فعلا مشكلة كبيرة حكاية المية يعنى عندنا فى المنصورة كان فيه مشكلة على ما اسمع ان فيه ميه مسممة عشان الخزانات طيب ما الخوانات موجوده من قرن جيت تسمم الميه دلوقتى
يا ريت أغنيه مأكلتش من فولها أهو الفول ده لو اتمنع على المصريين هيكلو بعض
بصى انا هقولك على حاجه ابقى خشى عندى فى المدونة وشوفى موضوع للكبار فقط وقوليلى ايه رأيك
يلا على الموضوع اللى بعده
‏قال 3abdo me7tas
نسيت اقول
أنا عايز أسمع
يبقى انت اكيد اكيد فى مصر
لايلايلايلايلا
يبقى انت اكيد اكيد فى مصر
‏قال Desert cat
حرام عليييييييييك
حرام عايزهم يمنعوا الفول
مصدر الغذاء لكل الشعب
يعنى لما يمنعوا الفول الشعب ياكل ايه
باتيه مثلا
اه لو الشعب اكل باتية وشرب مية معدنية
ده معدته تتلوث يابنى
ووقتها اقدر اقولك وبكل جدارة يبقا اكيد اكيد مش فى مصر

المشاركات الشائعة