خلاص الدم اللى فى عروق الناس اتبدل وبقا تلج



هو كل حاجه بقت وانا مالى ... تلاشت كلمة اسمها نخوة واتحذفت من القاموس كلمة انسانية

والله الموقف خلانى افتكر الخنازير ... ما هو بالفعل الخنزير ابرد ما فى الوجود

من يومين بعد العشاء مباشرة راجل ماشى فى الشارع والشارع فيه عدد لاباس به غير المحلات المفتوحة ....

وفجأة جه ميكروباص وفيه اتنين بيشدوا واحد معدى من جنبهم .... الراجل استغاث الناس طلعت تتفرج ولا حد قاله العواف حتى

يا لهوووووووووووووووى على البرود .... ده انت لو كان فى ايدك تساعد انسان ومش ساعدته حتى بكلمة طيبة حرام عليك

والراجل ما زال بيقاوم اللى بيشدوه ... قلع لهم الجلابية واوعى يا بن الكلب انت وهو سيبونى .... وشوية ويقول الحقونى ... بس ولا حياة لمن تنادى كأنه كان بينادى على أموات

وكله واقف يتفرج كأنهم بيتفرجوا على عرض مسرحى شيق ... ما انقذوش من الموقف ده غير شاب نزل على صريخ الراجل فى الشارع وفى ايده خشبه وفضل يخبط بيها على الميكروباص ... قالوا له لو مش مشيت حنخطفك معاه ... كسر مراية الميكروباص وقالهم كلمه كمان حكسر الميكروباص على اللى فيه فى الوقت ده نزل والد الشاب واخوه اللى بدوره اتصل بالشرطة

لكن سواق الميكروباص والفتوات اللى معاه هربوا بس بعد ما الراجل اتبهدل من الشد

طبعا ... كان لازم نعرف الحكاية ...

والحكاية ان الراجل اللى كان حيتخطف ده بيشتغل فى جوازات السفر والناس دى ليهم عنده تأشيرات بس متأخره

وافتكروه نصب عليهم .. قالوا نخطفه ونطلب فدية ... هيهيهيهيهيييييي جتكوا وكسه

الموقف ده فكرنى بيوم ما شنطتى اتسرقت وانا رايحة اركب ميكروباص كان مالها يعنى القعدة مع العيال

والله شنطتى اتسرقت والحرامى وقعنى على الارض وداس عليا انا وكذا واحد جنبى والعالم واقفين متفرجون ...

الناس اللى وصلها للمرحلة دى ..... لو واحد شايف قدامه حد بيستغاث بيه يقف يتفرج عليه وكانه شايف روبى مش يتخيل نفسه او حد من اهله فى مكان الشخص ده ... للدرجة دى الشعب بقا جبان وخواف

الله يرحمك يا رجولة

Comments

knicksgrl0917 said…
hey! i'm going to cali this weekend and won't be back until september...here is the website i was talking about where i made extra summer cash. Later! the website is here
الخوف ملك الناس وكله بقى بيقول يلا نفسي
Desert cat said…
طيب يلا نفسى ماهو ممكن يكون مكان الشخص اللى كان فى ايده يساعده ومش عبره ده
ووقتها برضه غيره حيقول يلا نفسى
احتراماتى يا فندم
3abdo me7tas said…
حبيبي يا ابو احمد
انتى بتقولى ايه يا بنتى ناس مين اللى تروح تنقذ الراجل ده او تمسك الحرام اللى داس عليكى قصدى اللى سرق شنطتك
والله هم يبكى وهم يضحك
لتانى مرة أطلب أغنية يبقى انت اكيد اكيد فى مصر
Desert cat said…
ايوا انا نفسى افهم يعنى لما واحد يشوف حد بيتاذى قدامه مش ينقذه ليه
وبالمناسبة يا عبوووووود
الحرامى
ده مش داس عليا
ده بعزق كرامتى الله يحرقه
وبلدىىىىىىى بلدى يا بلدى
بزمتك مش احسن من اكيد فى مصر
3abdo me7tas said…
هههههههههههههههههه
ههههههههههههههههه
حلوة والله
الله يحرقه
بس يبقى انت اكيد فى مصر حديثة شوية طالعه مع غلو أسعار المؤن

Popular posts from this blog

قميص دهشور

كل تحرش وانتوا طيبين