اخيرا حنستريح من وجع الدماغ

خلاص الاخوة المسيحيين فرحوا وهديوا
ما خلاص بقا مبقاش مسلم على الورق
خلاص اللى كان عايز يطلق مراته النكدية دخل الاسلام وخلص منها
ودلوقتى رجع مسيحى تانى ما هو كله شغل ورق يا اسطى واديله ادى
مش مشكله استلف من واحد كام الف اخلص بيهم مصلحة
واغير الديانة فى البطاقة وبعد ما انسى يا عمرو واخرج من الشيكات
زى البيضة من الفرخة ارجع تانى لسابق عهدى كما كنت
انا مش فاهمه الناس دى بتضحك على مين وبتتلاعب بعقول مين
انا اشك اساسا ان اللى يعمل عمله ويغير ديانته علشان يهرب ده اصلا انسان ما عندوش دين
والف مبروك ليكو يا اللى رجعتوا مسيحيين وحلوا عن قفانا بقا
المسلمين مش ناقصين عدد
والام اللى رافعه قضية على المدرسة علشان بنتها دخلت امتحان الدين الاسلامى
عقبال ما تكسب هى كمان القضية
وتضم بنتها للمسيحية بدل قانون التبعيه للاب
افخر بانى مسلمة
لكن لا افخر بقانون يجبر حد على الاسلام ليجعل كل من هب ودب يتكلم على المسلمين

Comments

الربان said…
تحياتي

لا أحد يستطيع أن يجبر الاخر علي اعتناق دين....فالدين اكبر من الاشخاص و من الدول و الحكومات.

من هنا ارجو ان يتم التدقيق و التريث قليلا امام من يرغبوا في الدخول الي الاسلام...لان دخولهم الي الاسلام يترتب عليه امور كثيرة تضر بأناس أخرين سواء مسلمين كانوا ام غير مسلمين.

لن يستفيد الاسلام شيء بدخول بضعة نفر
و لن يرفع الاسلام من الارض بنزوح بضعة نفر الي ديانات اخري.

تحياتي و تقديري
Desert cat said…
فعلا معك حق اخى الربان فى كل ما ذكرت
المفروض ان واحد راح الازهر عايز يدخل الاسلام يتعمله اختبار مرة واتنين وثلاثه كمان
دمت بود
أتفق معاكي في الفكرة والمضمون،

لكن جالي إنطباع إن الكلام مكتوب بشيء من العصبية أو شعور بالإستفزاز، وده في رأيي مش صح لأن زي ما انتي قلتي إن الدين متين ولن يتأثر بتفاهات صغيرة زي ده

ربنا يثبتنا ،وربنا يبارك فيكي
Desert cat said…
اشكرك استاذ محمد
انا بالفعل وقت كتابة الموضوع كنت متعصبة شوية
بس الحمد لله ربنا قادر على حفظ دينا الحنيف
احترامى وتقديرى
ديزرت كات لو سمحتي ابعتيلي ايميلك بسرعة عشان اللعبة
tamer said…
الموضوع فعلا خطييييير .
اولا لازم اللى ادوهوم شهادات بالاسلام يتحاسبوا .
الاسلام الدخول فيه معروف انه بعد التاكد من صحة الاسلام وليس لشئ اخر......
طب لو واحد من دول اتجوز مسلمة ؟؟؟؟؟؟
الحال كانت هتبقى ايه؟؟؟؟؟؟
Desert cat said…
اميرة البلطجية
انا بعت لك الايميل فى مدونتك
بس مش عارفه وصل ولا لاء
على العموم الايميل تانى حكتبه لك عندى
agml_ehsas2002@hotmail.com
Desert cat said…
هو بالفعل كان المفروض يتعمل لهم اختبارات مرة واتنين وتلاته وعشرة كمان
بالنسبة لو كان واحد اتجوز مسلمة على ما اعتقد انه مش حتجوز مسلمه يا يتمور لانه داخل الاسلام لهدف مجرد ما يخلص حيقول انا ماشى مش عايز ديانتكو
ولو كان حصل مثلا كان زمانها اما نسيحية واما قاعده بين نارين لا هى عرافه نفسها متجوزة مسلم ولا مسيحى ولا هى عارفه تطلق ولا تفضل زى ما هى
يعنى كان حيبقا موضوع محير بكل الجوانب
هجي بس أعصابك شوية
أنا نزلت غطيت القضية بنفسي والناس اللي راجعة للمسيحية مش كلهم هربانين من مشاكل جواز وطلاق والحاجات دي... أغلبهم أجبروا على الإسلام بحكم التبعية في الدين للأب... أنا بس عاوز أسأل حضرتك سؤال يا أستاذة... هو ليه موضوع تغيير الدين حساس جدا للطرفين وكأن فيه إهانة للمسيحية لو واحد مسيحي اقتنع بالإسلام ودخل في شريعته أو المسلمين يحسوا أنهم اتهانوا لو أن واحد مسلم اقتنع بالمسيحية وآمن بها؟

أنا بالنسبة لي أفضل جدا إن الناس تغير أديانها عن اقتناع وبحرية مطلقة ودون قيد أو شرط أفضل بكتير من الملايين غير المؤمنين على الجانبين اللي هما كمالة عدد وخلاص... التدين ليس بالضرورة هو الإيمان... عندنا ملايين من المتدينين لكن قلة قليلة جدا هم المؤمنين من الجانبين... الأكثرية هم المسيحيين الإسميين والمسلمين بالبطاقة

بالنسبة بقى للتلاعب بالأديان فما فيش حاجة لا في القانون ولا في الثقافة اسمها التلاعب بالأديان... يعني من حق أي حد يفضل يراجع نفسه وأفكاره وعقايده لحد ما يموت... وفي النهاية كل فرد مسئول أمام ضميره وقدام خالقه عن اختياراته... مش كدة ولا إيه؟
Desert cat said…
مراقب مصرى
بالنسبة للى دخلوا الاسلام مجبيرن تبعية للاب المفروض ان القانون ده يتغير انا حاسة بالفعل انها اهانة لما واحد يروح يرفع قضية ويقول انا مش عايز اكون مسلم ليه والله ما عارفه لكم ده احساس نابع من جوايا .....
اما بالنسبة للى بيغير ديانته علشان مشاكل ويرجع تانى كما كان فده لو مش سميته تلاعب طيب اسميه ايه ؟؟؟
اه من حق كل واحد يتبع الدين اللى يقتنع بيه وبقول اللى يقتنع بيه انما مش يكون وسيله للهروب من مشكلة معينه وبانتهاء المشكلة خلاص بقا
وطبعا حختم كلامى زى حضرتك لانى متفقه معاك فى الجزئية الاخيرة مفيش حد بيحاسب مكان حد
نورت البلوج يا فندم
ويارب ما تكونش اخر زيارة
آخر زيارة إزاي بس؟
المهم بس عندكش شاي ونسكافيه؟
يبقى مش هتبقى آخر زيارة يا قطة
(الله يرحمه عادل أدهم)
هههههههههههههه
Desert cat said…
شاى ونسكافيه الاتنين
الميزانية ياباشا
بس ولا يهمك
حجيب لك كوفى ميكس
والله انا سعيدة جدا بتشريفك البلوج
3abdo me7tas said…
مفيش فى ايدينا الا ونقول
حسبنا الله ونعم الوكيل
ربنا يهدى الجميع يا رب
Desert cat said…
اللهم امين

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز