احنا رايحين نقابل .. الدعوة عامة



عذراً : أزيك يا بنى أنت فين بقالك فترة يا حبظلوم مختفى أخبارك ايه
حبظلم : صديقتى وأختى العزيزة الغالية على قبلى أوى أوى اللى أول ما بشوفها بحس بمراوحى بترفرف
عذراً : ربنا وحده اللى يعلم معزتك عندى يا حبظلوم أنت أخويا اللى ماليش فى الدنيا غيره أنا بحبك فى الله أوى أوى أوى خالص يعنى أخويا بقا المهم اخبارك طمنى .
حبظلم : والله مش ولابد قرفان طهقان زهقان متضايق ( فاكر نفسه ريكو الكابتشن ) ماليش نفس لأى حاجه خالص ولا طايق نفسى بتاتا
عذراً : لا الحال ده ما يتسكتش عليه أحنا نلم الشلة كلها ونتقابل ونفرج عنك همك ... ده أنت أخونا برضه ... أنا حنزل موضوع حالا حاير طاير ألم فيه الشلة كلها ونخرج على آخر الاسبوع ده .. أنا ميخلصنيش أشوف أخويا كدا .. نو ... البته .
حبظلم : ربنا يبارك فيكى أنتى ونعم الأخت
عذراً : يا أخواتى الكرام .. تبرعوا ( لا مش دى ) إحنا حنخرج فى آخر الاسبوع ده ( يوم فاضى أهوه محدش ليه حجه ) أصل حبظلم يا عين أمه عنده اكتئاب لاء وياحرام كمان كان بيرجع الصبح ..
قهراً : يا عينى يا ضنايا طب كان بيرجع ليه يا أختى الكريمة وايه سبب الترجيع .. ياترى كان بيحط طيب صباعه فى بؤة ولا ترجيع كدا لوحده .. شكله عينه وقعت على بذرة مانجة قرفته حكم أنا عارفه ان حبظلومه النومة كونمه انسان حساس أوى وزوق اوى اوى وما شاء الله عليه متدين جدا اوى خالص .
عذراً : طبعاً طبعاً دى صفات ميختلفش عليها اتنين بس ليا رجاء حار ناااااااار اللى جنب بيتهم صيدلية تجيب معاها دوا للترجيع والدعوة عامة للجميع اللى عايز يحضر حيشرفنا واللى مش عايز عنه ما جه ... بس مش عايزين الناس المعقدة بتوع الاختلاط دول يدخلوا الموضوع ... اصل اللى حيدخل حيتلغى عضويته فى خلال ثوانى .. ده احنا صحابنا الناس اللى فى ايديها السلطة كلها .. احنا مصاحبين الحكومة .. لاء وأيه الحكومة كمان حتيجى .
قهراً : ختلاط ايه اللى انتى جايه تقولى عليه ... ده احنا رايحين نفرج كربة عن أخ مسلم .. ومن فرج عن أخيه المسلم كربة من كرب الدنيا فرج الله عنه كربة من كرب يوم القيامة ( حتة دين علشان الناس المعقدة مش يفكرونا مش بنعرف فى الدين .. ده احنا كل يوم بنحضر محاضرات دينية ) الجميع طبعاً موافقه ده أخونا فى كربة يا ناس ولا حد يقدر ينطق بحرف .
فضلاً : ياااااااااااه أنا كنت بخاف أحضر اللقاءات دى إنما لما جيت معاكو المرة دى حسيت بفرق كبير اوى شاسع وبندم إنى مش جيت قبل كدا ... ده أنا أول مرة أشوف عذراً اختى الجميلة البسكوتة اللى تتكسر من مجرد اللمسة .. ولا حضنها يالهوى يا لهوى درجة حرارة فرن بوتاجز اشعال ذاتى ... دافى اوى خالص .... ده احن الف مرة من حضن سعاد حسنى ( فى الحب الضائع ) ... انا بعشقها ... انا بدمنها .. انا بموت فيها .. ( ناقص تقول حددى لى معاد مع بابا ) .
عذراً : لالا ما تحرجونيش (آناه) اصل انا بنكسف .. أنا كمان بحبكو جدا اوى خالص مالص بالص .
حبظلم : امسك فى واحده من المعقدين بتقول الاختلاط وبتتكلم كلام كبير اوى هى تبقا مين دى ان شاء الله علشان تحاكمنا ومين فوضها تتكلم اساسا .. اللى عنده كلها يلمها ..
عذراً : ولا يهمكوا هى هورس عليها واحده بس حتلاقى الشلة كلها طالعه تخرسها وتوقفها عند حدها مبقاش غير العقد والكلاكيع كمان يتكلموا ..
فضلاً : بصى يا حلوة احنا مع أخواتنا وهما بيخافوا علينا اوى خالص ثم احنا مش كنا بنتفسح احنا كنا بنفرج كربة على أخ لينا فاهمة يعنة ايه كربة يا اختشى ( يا سلام على اسلوب الحوار الرائع الوصف)
باقى شلة الأنس فى نفس واحد : احنا مش قولنااااااااااااالك تيجى اللى عايز يجى يشرف واللى مش عايز يتكتم ومش ليه دعوة ده ايه الكلكعة دى ( ايون اظهر وبان عليك الامان )
عذراً : مش قولتلكو هى هورس واحدة عليها وهى حتسكت خالص .. احنا علشان نحرجهم ونعرفهم احنا بنات مش اى كلام ننزل بموضوع دينى حالا بالا واى حد يتكلم يبقا نجيب له الحكومة .. ارقامهم معانا .. وبعد كدا نعمل خروجه فله للجميع علشان نعرفهم ان مهما قالوا ومهما عملوا احنا شلة الانس اللى متجمعة باستمرار وحنتقابل رغم عن الناس الحقوديين الوحشيين دول ( وش بيطلع لسانه ) أصل انا مامتشى وباباتشى واخوااااتشى وجوووووزتى قصدى جوزى واثقين فيا انتوا مالكوا بقا ... مجتمع متخلف ياااااااااى .
*******************************************************************************
وتتكرر الحكايات
" الدين النصيحة "
اللى عايزة تقابل تروح محدش منعها .. واللى عايزه تشتغل فى كبارية برضه تتفضل .. ومفيش حد بيحاسب مكان حد ... بس بلاش عبايات الدين اللى كل لما واحده او واحد يتزنق يلبسها اصلها بتكون واسعه عليه اوى ومش بيقدر يملاها لما يتواجه بالحقائق والأدلة الربانية

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلا وَأَنْتُمْ مُسْلِمُونَ
(صدق الله العظيم )

تعليقات

‏قال حقى اهرتل
يا ريت الشعر كان يفضل بعيد عنى
وافوت ف الدنيا ع الهامش واكون جنى
ولا منى تقيد النار ولا اقيدها
يا لحن البدء ابعدنى انا منى
‏قال Desert cat
ماشى
ربنما يحقق لك كل ما تتمنى
‏قال حقى اهرتل
شكرا على المجامله
ههههههه
عسل يا ديزرت كات
صحيح فعلا المواقف دي الوحد بيشوفها بشكل او بأخر..الناس برضه عارفة انها بتغلط بس النفس البشرية مش عايزة تصدم نفسها..بتهون على روحها الشعور بالذنب
ولا يهمك يا جميل
وبعدين حشوفك انتي والاخوة امتى بقي..مش تيجوا تفرجوا عنى كربة في سيلانترووووو...تاخدو فيا ثواب يا اختي في الله..وبعدين الاخوة طبعا تأثرهم بيختلف عن الاخوات..جزاهم الله كل خير
ههههههههههههههههههههههه
‏قال Desert cat
حقى اهرتل
شكرا على المتابعه
‏قال Desert cat
اميرة البلطجية
ما تتخليش مدى سعادتى بوجودك الجميل فى المدونة
فعلا كل واحد بيدور لنفسه على مبرر لاخطائه ....
ومن ناحية تشوفينا اانا والاخوة
مش تقلقى انا بس اجمع الاخوة ونيجى لك ان شا الله حتى جزر القمر
ده انتى اختنا فى الله ولازم نفرج كربتك
واكيد كلهم حيكونوا اخوة ... اخوات مين بس حد جاب سيرة اخوات ده حتى حضور الاخوات بيكون ممل وبيتكلموا فى الطبيخ والغسيل والمكوى اما الاخوة وجودهم كله خير وبركه

المشاركات الشائعة