فى حاجه اسمها خصوصيات لو سمحت



فى فرق بين انى احكى لك على موقف حصل فى حياتى وبين انى الاقى حد بيقحم نفسه فى حياتى

نقول يعنى أيه

يعنى لما انا أتعرض مثلا لموقف مضحك او باكى وحد يشوفنى ويسألنى خير اللهم أجعله خير

يبقا كتر ألف ألف خيره أنه عبرنى وسألنى مالك طيب ممكن نساعد بحاجه طيب أى حاجه

والله فى الحاله دى لو أنا محتاجه أفضفض حتكلم عادى وأحكى

لو أنا ما عنديش نفس للكلام حقول متشكرة جدا وحزاك الله كل خير

انما الغريب اللى شوفته حاجه تانية خالص

طبعا كلنا بنمر بمشاكل فى حياتنا

يعنى الحياة مش كلها ضحك ولعب وهزار وفرفشة انما فيها برضه شوية جد على شوية مشاكل

من فترة مريت بمشكلة وانتهت على خير الحمد لله

صديقتى كلمتنى مش بشوفك ليه

قولت لها اصل انا بصراحة معتزلة الناس

صديقتى : ليه يا حبيبتى فى حاجه

حكيت لها

واحدة تانية من صحابتنا بتسأل صديقتى الاولى عليا مش بنشوف نانا ليه بقالنا فترة فى حاجه طبعا بحكم ان صديقتى الاولى قريبة منى جدا وباستمرار اتصالات وزيارات ... قالت لها اصلها عندها شوية مشاكل وان شاء الله تخلص على خير ... نيجى بقا لصحبتنا التالته مشاكل ايه ... احكى لى .. راحت صديقتى قالت لها مش عارفه لما تشوفيها ابقى اساليها ... مرت الايام تلو الايام وتقابلنا
صحبتنا ... مالك يا نانا سمعت انك فى مشكلة ولاقيتها وبتتكلم بقا بكل فرح وسعادة ...
قولت لها خير ... حاجه وانتهت راحت لحالها الحمد لله ... تقتنع أبدا ما اقتنعتش ... لاقيتها جايبه كرسى وقاعدة جنبى ولازم وحتما ولابد أحكى ايه المشكلة ...
أنا بقا :: يا بنتى يا حبيبتى حاجه عادية ...
صحبتنا :: لا حتحكى يعنى حتحكى ... وفضلت تتحايل عليا يجى ربع ساعه ... اصرارها ده خلانى أشك إن فى حاجه غريبة ... اصل لو انتى مثلا قلقانه عليا أديكى شوفتينى وانا قاعده بكلمك اهوه وطبيعية ... انما لزومه ايه انى اقعد احكى وليه الاصرار ده كله ... افرضى موقف محرج مثلا .. افرضى حاجه خاصة بأهلى ... حاجه خاصة بحد من قرايبى وانا زعلانه علشانهم ...
ومش من حقى إنى أحكى ... طيب لما قولت لها معلشى اصل دى حاجه خاصة ومش ينفع اتكلم فيها انا كنت حاسه انى قليلة الذوق بس انا ايه اللى وصلنى للدرجة دى من قلة الذوق غير الالحاح الغير مبرر .. ما هو انا لو متعودة فعلا باحكى لها على اى حاجه تخصنى يبقا حقها تلح عليا .. انما ده مجرد صباح الخير يا جميل .. صباح الفل يا قمر ... والله عايزه اشترى كذا .. اتفضلى ... سلام يا جميل .. سلامين يا عسل وخلصت الليلة على كدا
هل هو مزاج يعنى معرفة خصوصيات الناس ؟؟؟؟
سؤال يطرح نفسه أرضاً

تعليقات

‏قال koukawy
ياه ه ه ه ه انا بتخنق لما حد يسألني و بتعصب اوي و بحس انه بيحقق معايا حتي لو هو مش قاصد
انا ممكن احكي من نفسي بس لو في نيتي احكي و حد سألني مبتكلمش
الناس فعلا الحشريه يخنقوااااااااااا
‏قال Jobove - Reus
irreverent,iconoclastic,eclectic e liberty

http://telamamaria.blogspot.com
in Catalonia - Spain

thank
‏قال غير معرف…
االاسبان احتلو البلد
اعاااااااا
مين عم الحج اللي فوقي ده ..


نانا بيقولوا الفضول قتل القطة
و حالة صحبتك فضول بالدرجة الاولي اكتر منها خوف عليكي

و ربن ااعلم بالنيات ممكن يكون نيتها خير و عاوزة تعرف الحكاية يمكن تقدر تساعدك بس
معتقدش
واضح انه
كان فضول من الدرجه الاولي
‏قال Desert cat
الجميلة كوكيواية
هى فعلا حاجه تخنق لما تلاقى
حد بيلح اوى فى سؤاله
او حاشر نفسه زيادة عن اللزوم
نورتى المدونة يا جميل
‏قال Desert cat
Té la mà Maria
هو كيشو كان بيقول الاسبان احتلوا البلد
لكن هما الظاهر الفرنسويين
شكلها حملة فرنسية
‏قال Desert cat
ketchup
اه ما هو انا برضه علشان ما اظلمهاش يا كيشو قولت يمكن تكون البونية بتسال بحسن نية
بس فى الاخر طلع محسن وحسين وحسانين
الناس الي زي دول اخرهم كلمة كده زي شئ ميخصكيش أو اني مالك أو حتى انتي مال اهل حضرتك و الأحسن مترضيش عليهم خالص و خليهم يكلوا في نفسهم
فالنار تأكل نفسها إن لم تجد ما تأكله
‏قال Desert cat
انا بصراحة يا يعقوب قولت لها فى حاجه اسمها خصوصيات وحسيت بقلة زوق
انما هى اللى استفزتنى ووصلتنى لكدا
بس عجبتنى اوى مال اهل حضرتك
ربنايكرمك
‏قال tamer
حصل معايا موقف مشابه بس اغرب .
لى صديق فى الكلية او تقدرى تقولى الصديق الاقرب كمان .
ماشى مع واحد فبيقولى رايح فين قولتوا مشوار .
بكلمه بعد يومين لقيته بيكلمنى بقرف فيه ايه يبنى؟؟؟؟؟
انت مش عايز تقول رايح فين ليه؟؟؟؟؟
قولتلوا عادى افرض انى رايح مكان مش عاوز اقولك عليه ايه المشكلة؟؟؟؟؟؟؟
قالى لو احنا اصحاب بجد مكنتش تخبى عنى حاجة؟؟؟؟؟
صاحبى ده من النوع الرقيق حقيقى مش تمثيل قعدت اتناقش معاه ان من حق اى انسان تكون له مساحة من الخصوصية واسراره اللى بيحتفظ بها لنفسه؟؟؟؟؟؟؟
مفيش فايدة مقتنعش قولتله انا كنت فى مكان كذا وخلاص وشوية تسنيج عدت المسالة .
بس هو لازم الاصحاب مبيبقاش بينهم اسرار؟؟؟؟ليه هم متجوزين بعض عن حوب؟؟؟بتهيالى المتجوزين بس اللى المفروض مفيش بينهم اسرار؟؟؟؟؟
‏قال غير معرف…
great to meet you catofdesert.blogspot.com admin discovered your website via search engine but it was hard to find and I see you could have more visitors because there are not so many comments yet. I have found site which offer to dramatically increase traffic to your blog http://xrumerservice.org they claim they managed to get close to 1000 visitors/day using their services you could also get lot more targeted traffic from search engines as you have now. I used their services and got significantly more visitors to my site. Hope this helps :) They offer most cost effective backlinks Take care. Jason

المشاركات الشائعة