هو فى ايه

ليه كل واحد مبقاش مستحمل التانى
بمعنى
انى لو اتكلمت عن حزب شخص منتمى له وكلامى لا هو اتهام ولا هجوم
وانما مجرد استفسار
تبص تلاقى اللى منتمى للحزب ده مكيلك بجميع مكاييل الاتهام
ده غير اسلوب الكلام اللى ينقط
لا ده وكمان تلاقية جايب صحابة وداخلين هما كمان نظام الهجوم
ده لو الواحد ناوى يقتنع بعد الهجوم الشرس ده بيصدق اى كلام يتقال بعد كدا
ما هو الجواب باين من عنوانة
انا سمعا وطاعه واما انت مش معانا تبقا معاهم يبقا استحمل بقا اللى يجرى لك
اى شخص استفزنى انا مش مسمحاه
اى شخص وجه لى اتهام انا برضه مش مسمحاه
وحسبى الله ونعم الوكيل

تعليقات

‏قال tamer
ايه سبب الزعل ده كله؟؟؟؟؟
انا فاكر الموضوع بس حضرتك ليه حذفتيه؟؟؟؟
على فكرة حضرتك اللى حساسة جدا .
معليش متزعليش من رايى .
‏قال tamer
لسه برضه شايلة من ساعتها ؟؟؟؟؟
‏قال Desert cat
حضرتك لسه فاكر الموضوع يا تيمور وانا عمرى ما حنساه
لانه بجد اتوجه لى فيه كمية اتهامات صعب حد يستحمله
تعرف انا حذفت الموضوع ليه
لانه كان حيبقا وصمة عار مش فى حقى فى حق الناس اللى كانت داخله تهاجم لمجرد الدفاع ... المفروض انهم بدل ما يحافظوا على الجماعه اللى بيسموا نفسهم منتميين ليهم بيشوهوا الصورة اكتر اللى انا اعرفه الرد على السؤال بيكون بالحسنى وطريقة الاقناع بالحجه مش بتكييل الاتهامات
اما بالنسبة للسه شايله دى فانا مش بسهولة انسى الاساءة الموضوع وقتها كبر وتشعب لحاجات فرعيه تعرف ايه الحاجات الفرعية دى كانت اتهامات متوجهه لى ده غير ان كل واحد كان بيروح يدعو صاحبه علشان يجى يرمى كلمتين ويمشى من غير ما يعرف ايه هو الموضوع ولا الغرض منه ايه
احتراماتى يا فندم
ماهو علشان كده أنا بأحب أكون مستقل مش مع و لا ضد إلا في الكوارث بتاعة الحزب الوطني فضده على طول
أما شباب الإخوان المتعصبين بدون منطق فده يضر الجماعة اكثر ما يفيدها
و لا حول و لا قوة إلا بالله
‏قال Desert cat
مهندس مصري
كلامك صح يا بشمهندس
ربنا يخلصنا منهم على خير

المشاركات الشائعة